Esat Kamberi

Ka kryer Fakultetin Filozofik - Gjuhë dhe Letërsi Shqipe dhe ka ndjekur Sociologjinë e kulturës në Beograd. Ishte arsimtar dhe drejtor shkolle, gazetar dhe zëvendës kryeredaktori i gazetës “Zëri i rinisë”, Ndihmës i Sekretariatit Krahinor për ASH e Kulturës të Kosovës.

Ishte bursist i Qeverisë së Francës për tri vite për të ndjekur Seminaret e Gjuhës, Letërsisë dhe Kulturës franceze në Antibe Monpelje dhe Lion. Ishte përfaqësues i Kosovës në Entin Federativ për Marrëdhënie me Botën e Jashtme të RSF të Jugosllavisë dhe anëtarë i Komisionit të UNESCO-së për Jugosllavi nga Kosova.

Ishte anëtarë i Këshillit Drejtues të Lojërave Verore në Dubrovnik dhe i Këshillit Drejtues të Festivalit Jugosllav të Filmit në Pulë të Kroacisë.

Veprimtaria krijues - letrare dhe publicistike

Bashkëpunoi me gazeta e revista si: Rilindja, Zëri i rinisë, Shkëndija, Jedinstvo, Bota sot, Koha ditore, Jeta e re, Fjala, Novi zivot, Stermljenja, Kulturni zivot, Radnicke Novine, etj.

Romane:

1. Trilogji i lire, I,II,III, - FAIK KONICA - Prishtinë, 2026
2. Hijet e natës - BREZI 81 - Prishtinë - 2011
3. Vite të mbrapshta Dardane, LENA-GRAFIK - Prishtinë, 2023

Publicistik:

1. Përmbledhje ligjesh dhe akte nënligjore nga kultura - Prishtinë, 1979
2. Kultura dhe këmbimi i lirë i punës - RILINDJA, 1984
3. Etnokulturocidi në Kosovë - Tetovë, 1999
4. Monografi - Morava Epërme ndër shekuj - Prishtinë 2016
5. Kosova mes Lindjes e Perëndimit - LENA-GRAFIK - Prishtinë 2023.

Ka deponuar 20.000 faqe materiale arkivore në Fondin “ESAT KAMBERI” në Arkivin e Kosovës.

Jeton dhe vepron në Prishtinë, me familje.